پاکستان کرکٹ ٹیم نے بنگلادیش کے خلاف پہلے ٹی ٹوئنٹی میچ میں 2 ناپسندیدہ ریکارڈ بنا لیے۔ میرپور میں کھیلےگئے 3 ٹی ٹوئنٹی میچز کی سیریز کے پہلے میچ میں میزبان بنگلادیش نے پاکستان کو 7 وکٹ سے شکست دی۔
بنگلا دیش کے خلاف پہلے بیٹنگ کرتے ہوئے پاکستانی بیٹنگ لائن بری طرح ناکام ہوئی اور پوری ٹیم 110 رنز پر آؤٹ ہوگئی۔
یہ پاکستان ٹیم کا بنگلادیش کے خلاف ٹی ٹوئنٹی میں اب تک کا سب سے کم ٹوٹل ہے۔
اس کے علاوہ یہ پہلا موقع تھا کہ پاکستان کی پوری ٹیم بنگلادیش کے خلاف ٹی ٹوئنٹی میچ میں آؤٹ ہوگئی۔
بنگلادیش کے خلاف ٹی ٹوئنٹی میں قومی ٹیم نے اس سے قبل سب سے کم اسکور 2021 میں بنایا تھا جب میرپور میں ہی کھیلےگئے ٹی ٹوئنٹی میچ میں پاکستان نے بنگلادیش کے خلاف 5 وکٹ پر 127 رنز بنا کر فتح حاصل کی تھی۔
