آئی سی سی ورلڈ کپ میں بھارت کی آسٹریلیا کے خلاف شاندار فتح کے چرچے تو ہوہی رہے ہیں ایسے میں ویرات کوہلی کے ہمشکل کی تصاویر اور ویڈیوز سوشل میڈیا پر وائرل ہوگئیں۔
بھارتی میڈیا کے مطابق ویرات کوہلی کے ہم شکل کارتک شرما کا تعلق بھارت کے شہر چندی گڑھ سے ہے جب کہ وہ پیشے کے اعتبار سے سوفٹ ویئر انجینئر ہیں۔
کارتک کے چہرے کے خدوخال کو دیکھیں تو وہ ویرات کوہلی سے مشابہت رکھتے ہیں اور ان کی داڑھی کا اسٹائل بھی کرکٹر سے ملتا جلتا ہے۔
کارتک کے انسٹاگرام اکاؤنٹ سے معلوم ہوتا ہے کہ وہ خود بھی ویرات کوہلی سے خاصے متاثر ہیں، یہی وجہ ہے کہ ان کے اکاؤنٹ پر کرکٹ کھیلنے کی بھی کئی ویڈیوز موجود ہیں ۔
کارتک کی ایک ویڈیو میں انہوں نے بتایا کہ وہ کہیں بھی جائیں تو لوگ انہیں ویرات کوہلی سمجھ کر ان کے ساتھ تصویریں بنوانے لگتے ہیں لیکن وہ کرکٹ کا جنون رکھنے کے ساتھ ساتھ ویرات کوہلی کی ہی طرح دکھتے ہیں۔
View this post on Instagram
کارتک نے کہا کہ ان کی خواہش ہے وہ ویرات سے مل کر انہیں بتائیں کہ وہ ان کے کتنے بڑے فین ہیں۔
واضح رہے کہ یہ پہلی بار نہیں ہے کہ کسی کرکٹرز کے ہمشکل کی ویڈیو سوشل میڈیا پر وائرل ہوئی ہوں اس سے قبل بھی کھلاڑیوں کے ہمشکل کی ویڈیوز سوشل میڈیا کی زینت بنتی رہی ہیں۔
