کورونا وائرس سے متاثرہ افراد کی تعداد تیزی سے بڑھنے لگی، سندھ میں مزید پانچ کیس سامنے آگئے، جس کے بعد سندھ بھر میں وائرس سے متاثرین کی تعداد155 جبکہ مجموعی مریضوں کی تعداد 188 تک جاپہنچی۔
سندھ میں کورونا وائرس سے متاثرہ افراد کی تعداد میں اضافے کا سلسلہ جاری ہے، ترجمان سندھ حکومت بیرسٹرمرتضیٰ وہاب نے سماجی رابطے کی ویب سائٹ ٹوئٹر پر کورونا وائرس کے متاثرین کی تعداد 155 ہونے کی تصدیق کرتے ہوئے کہا سکھر میں موجود 234زائرین کے ٹیسٹ مکمل کرلئے گئے، جس میں سے 119زائرین کے کورونا وائرس ٹیسٹ مثبت آئے جبکہ 115زائرین کے ٹیسٹ منفی ہیں۔
Following is the update of #COVIDー19 affected people in Sindh as of 11 AM on 17.03.2020:
— SenatorMurtaza Wahab (@murtazawahab1) March 17, 2020
Positive =36
Cured=2
Under treatment =34
Zaaireen Sukkur
Total tests conducted 234
Negative 115
Positive 119
Grand Total 155
اس سے قبل محکمہ صحت سندھ کے مطابق اب تک مجموعی طور پر675افراد کے ٹیسٹ کیے گئے ہیں جن میں 572کیسز نیگیٹو آئے تھے ، 119مریضوں کا تعلق سکھر سے ہے، جو زائرین تفتان سے آئے تھے جبکہ ایک کیس کا تعلق حیدرآباد سے ہے، اب تک دومریض صحت یاب ہوچکے ہیں ان دونوں مریضوں کو پہلے ہی ڈسچارچ کیا جاچکا ہے۔
مزید پڑھئے: ڈیرہ غازی خان: 42 زائرین میں سے 5 مریضوں میں کورونا وائرس کی تصدیق
واضح رہے دنیا بھر میں کرونا وائرس 162 ملکوں تک پھیل گیا ہے، ہلاکتوں کی تعداد 7171 تک جا پہنچی ہے جبکہ دنیا بھر میں وائرس سے 182598 افراد متاثر ہو چکے ہیں۔
