پاکستان پیپلز پارٹی کی ترجمان شازیہ مری کا کہنا ہےکہ گرمیوں میں گیس کی لوڈشیڈنگ سلیکٹڈ وزیراعظم کی نااہلی اور نالائقی کا ثبوت ہے، بجلی کے بلوں کے ذریعے عوام کا خون نچوڑا جا رہا ہے۔
ایک بیان میں شازیہ مری کا کہنا تھا کہ بجلی کی لوڈشیڈنگ سے عوام گرمی میں تڑپ رہے ہیں، بجلی کے بلوں کے ذریعے عوام کا خون نچوڑا جارہا ہے اور لوگوں کی سفید پوشی کا بھرم ٹوٹ رہا ہے۔
شازیہ مری کا کہنا تھا کہ چینی ایک بار پھر 110 روپیہ کلو فروخت ہورہی ہے، پیٹرول کی قیمت بھی غریب کی پہنچ سے باہر ہوچکی ہے۔
