320 کلو وزنی نورالحسن کا نجی اسپتال میں کامیاب آپریشن

موٹاپے کا شکار 320 کلو وزنی شخص نورالحسن کے وزن میں کمی کےلئے لاہور کے نجی اسپتال میں کامیاب آپریشن کردیا گیا۔ آپریشن کے بعد اس وقت نورالحسن کی زندگی خطرے سے باہر ہے اور ان کو دو دن تک آئی سی یو میں رکھا جائے گا۔

ایک سال کے عرصہ میں نورالحسن کا وزن 100 کلو تک کم ہوگا جبکہ دوسال کے عرصہ میں ان کا وزن معمول کے مطابق ہوجائے گا۔ نورالحسن نے کچھ عرصہ قبل آرمی چیف سے علاج کی درخواست کی تھی جس پر آرمی چیف کے حکم پر آرمی کی ایئر ایمبولینس کے ذریعہ انہیں لاہور کے شالیمار اسپتال لایا گیا تھا۔

دوسری جانب اسپتال میں نورالحسن کے آپریشن کے دوران ڈاکٹرز کا غیر سنجیدہ رویہ سامنے آیا، ڈاکٹر اور ان کی ٹیم مریض کو سنجیدہ حالت میں چھوڑ کر سیلفیاں اور ویڈیوز بناتے رہے، طبی ماہرین اور سینئر سرجنز نے اس رویئے پر اظہار افسوس کیا ہے۔