بنوں میں امن کمیٹی کے دفتر پر دہشتگردوں کے حملے کے نتیجے میں 7 افراد جان کی بازی ہار گئے۔ پولیس کے مطابق واقعہ بنوں کے علاقے ہوید میں پیش آیا جہاں نامعلوم دہشتگردوں نے رات کے وقت امن کمیٹی کے دفتر پر اندھا دھند فائرنگ کی۔ حملے میں 7 افراد موقع پر جاں بحق جبکہ ایک شخص زخمی ہوا۔
پولیس نے بتایا کہ حملے کے بعد دہشتگرد فرار ہو گئے، واقعے کی تفتیش شروع کر دی گئی ہے۔ لاشوں اور زخمی کو فوری طور پر مقامی اسپتال منتقل کر دیا گیا ہے، جبکہ علاقے میں سرچ آپریشن بھی جاری ہے۔
