معاون خصوصی زلفی بخاری کا کہنا ہے کہ ہنرمند افراد کو ملکی وبین الاقوامی سطح پرروزگار کی فراہمی ترجیح ہے، استعداد کار بڑھانے کیلئے اسٹینڈرڈائزیشن کی طرف جائیں گے۔
تفصیلات کے مطابق ورلڈاکنامک فورم کےزیراہتمام گلوبل اسکلزآؤٹ لک خصوصی سیشن ہوا ، پاکستان کی نمائندگی وزیراعظم کے معاون خصوصی زلفی بخاری نے کی۔
معاون خصوصی کا کہنا تھا کہ ممبرممالک میں ہنرمندافرادکی تعدادمیں اضافے کیلئے تربیتی پروگرامز پر گفتگو کرتے ہوئے معاون خصوصی زلفی بخاری نے کہا ہنر مند افراد کو ملکی وبین الاقوامی سطح پرروزگارکی فراہمی ترجیح ہے۔
زلفی بخاری نے کہا کہ کورونا کے باعث توجہ معمولات زندگی بحال رکھنے پر مرکوز رہی، قیمتی جانوں کو محفوظ رکھنا اور معیشت کا استحکام بڑاچیلنج تھا، اب ووکیشنل، ٹیکنیکل ٹریننگ پروگرامز کوری اسکیلنگ ہوگی۔
ان کا کہنا تھا کہ ماضی میں تکنیکی تربیت کے منصوبوں پرتوجہ نہیں دی گئی، حکومت کیساتھ نجی شعبے کی شراکت داری ضروری ہے، استعداد کار بڑھانے کیلئے اسٹینڈرڈائزیشن کی طرف جائیں گے۔
