سابق وزیراعظم نوازشریف علاج کے غرض سے لندن روانگی کے لیے سخت سیکیورٹی میں اپنی رہائش گاہ سے ائیرپورٹ پہنچ گئے۔
میاں نوازشریف کی جاتی امرا سے ائیرپورٹ روانگی کے وقت ایمبولینس اور سیکیورٹی کی گاڑیاں بھی ساتھ تھیں۔
سابق وزیراعظم کو لینے کے لیے آنے والی قطر ائیرویز کی ائیر ایمبولینس لاہور ائیرپورٹ پر موجود ہے جو صبح پونے 9 بجے کے قریب لاہور کے علامہ اقبال ائیرپورٹ پہنچی، ائیر ایمبولینس براہ راست لندن تک پرواز کرسکتی ہے۔
ان کو لے جانے کے لیے ایئر ایمبولینس لاہور ایئر پورٹ پہنچ گئی، ایئر ایمبولینس میں کل 5 افراد روانہ ہوں گے جن میں نواز شریف، شہباز شریف، ڈاکٹر عدنان، عابد اللہ جان اور محمد عرفان شامل ہیں۔
خیال رہے کہ لاہور ہائی کورٹ کے حکم کے بعد گزشتہ روز وزارت داخلہ نے ان کی بیرونِ ملک روانگی کے لیے گرین سگنل دے دیا۔
