بےنظیر بھٹو قتل کیس میں عدالت نے ایس ایس پی طاہرایوب کے ناقابل ضمانت وارنٹ گرفتاری جاری کردیئے۔
تفصیلات کے مطابق بےنظیر بھٹو قتل کیس کی سماعت راولپنڈی کی انسداد دہشت گردی عدالت میں ہوئی۔
فاضل عدالت نے مسلسل عدم پیشی پر ایس ایس پی طاہر ایوب کو اشتہاری قراردینے کی کارروائی شروع کردی اور اُن کے وارنٹ گرفتاری جاری کرتے ہوئےگرفتارکرکے پیش کرنے کا حکم دےدیا۔
اپنے اشتہار چسپاں ہونے پر ایس ایس پی طاہرایوب نےفوری طور پرپراسیکیوٹر سے فون پر رابطہ کیا اور اگلی سماعت پر پیش ہونے کی یقین دہانی کرادی۔ مقدمے کی مزید سماعت انیس اکتوبر تک ملتوی کردی گئی۔
