واقعہ کربلا پیغام دیتا ہے کہ اصولوں اور اقدار کی پاسداری مہذب معاشرے کی بنیاد ہے: وزیر اعظم

وزیراعظم کی جانب سے جاری بیان میں کہا گیا ہے کہ واقعہ کربلا پیغام دیتا ہے کہ اصولوں اور اقدار کی پاسداری مہذب معاشرے کی بنیاد ہے، ہمیں عدل و انصاف، صبرو برداشت اور ذمہ داری کے اوصاف کو فروغ دینا ہے۔

انہوں نے کہا کہ اختلافات، نفرت اور انتشار کے بجائے احترام اوریکجہتی کافروغ ضروری ہے، علما کرام، مشائخ، ذاکرین ،میڈیا یوم عاشور کےحقیقی پیغام کو اجاگرکریں۔ بین المسالک احترام و ہم آہنگی کو فروغ،اشتعال انگیزی اورنفرت کا سدباب کریں۔

اس کے علاوہ صدر مملکت آصف علی زرداری نے بھی یوم عاشور پر پیغام جاری کرتے ہوئے کہا کہ یوم عاشور صبر، استقامت، ایثار، حق گوئی اور اصولوں پر ثابت قدم رہنے کا درس دیتا ہے۔

صدر مملکت نے کہا کہ واقعہ کربلا محض ایک تاریخی سانحہ نہیں ایک دائمی پیغام اور ایک زندہ درسگاہ ہے، یوم عاشور پر امن، رواداری، احترام اور بھائی چارے کی فضا کو فروغ دیں۔