وفاقی حکومت نے ملک دشمن سرگرمیوں میں ملوث یوٹیوبرعادل فاروق راجہ کا نام فورتھ شیڈول میں شامل کر لیا ہے۔ وفاقی کابینہ کی منظوری کے بعد وزارتِ داخلہ نے نوٹیفکیشن جاری کردیا۔
حکومتِ پاکستان نے یوٹیوبر عادل فاروق راجہ کے خلاف انسدادِ دہشت گردی ایکٹ کے تحت پابندی عائد کرتے ہوئے ان کا نام فورتھ شیڈول میں شامل کرلیا ہے۔
وفاقی وزارتِ داخلہ نے وفاقی کابینہ کی منظوری کے بعد عادل راجہ پر پابندی کی منظوری کا نوٹیفکیشن جاری کردیا۔
نوٹیفکیشن میں کہا گیا ہے کہ عادل راجہ پر یہ پابندی ریاست مخالف سرگرمیوں میں ملوث ہونے اور آن لائن پلیٹ فارمز کے ذریعے ریاست مخالف بیانیہ پھیلانے پر لگائی گئی ہے۔
نوٹیفکیشن میں مزید کہا گیا ہے کہ عادل فاروق راجہ کے خلاف انسدادِ دہشتگردی ایکٹ کے تحت کارروائی کی گئی ہے۔
نوٹیفکیشن کے مطابق عادل راجہ مسلسل ایسی سرگرمیوں میں ملوث ہیں جو ریاستِ پاکستان کی سلامتی، سالمیت اور امنِ عامہ کے لیے شدید خطرہ ہیں۔
نوٹیفکیشن میں واضح کیا گیا ہے کہ یہ اقدام ملکی سلامتی اور عوامی مفاد کے تحفظ کے لیے اٹھایا گیا ہے، جبکہ آئندہ کی کارروائی بھی متعلقہ قوانین کے تحت عمل میں لائی جائے گی۔
