ملک کی پہلی وفاقی آئینی عدالت نے مقدمات کی سماعت کا باقاعدہ آغاز کر دیا ہے۔ وفاقی آئینی عدالت کے پہلے چیف جسٹس امین الدین خان نے عدالت کے لیے تین بینچ تشکیل دے دیے ہیں۔ بینچ ون میں چیف جسٹس امین الدین خان کے ساتھ جسٹس علی باقر نجفی اور جسٹس ارشد حسین شامل ہیں، جبکہ بینچ 2 میں جسٹس حسن رضوی اور جسٹس کے کے آغا خدمات انجام دیں گے۔
بینچ 3 میں جسٹس عامر فاروق اور جسٹس روزی خان شامل ہیں۔
چند ہی لمحات بعد بینچ ون نے اسلام آباد ہائیکورٹ کے کمرہ عدالت نمبر 2 میں پہلی سماعت کا آغاز کیا، جس کی سربراہی چیف جسٹس امین الدین خان کر رہے ہیں۔
