عدالت نے جناح ہاؤس حملہ کیس کا فیصلہ سناتے ہوئے بانی پی ٹی آئی عمران خان کے بھانجے اور علیمہ خان کے بیٹے شیر شاہ کی ضمانت منظور کر لی۔
انسداد دہشتگردی عدالت لاہور نے ملزم شیر شاہ کی ایک لاکھ کے ضمانتی مچلکوں کے عوض ضمانت منظور کی۔
قبل ازیں انسداد ہشت گردی عدالت لاہور کے جج منظر علی گل نے 9 مئی جلاؤ گھیراؤ میں شیرشاہ کی بعد از گرفتاری درخواست ضمانت پر سماعت کی ، وکلاء کے دلائل سننے کے بعد عدالت نے فیصلہ محفوظ کیا تھا۔
سماعت کے دوران عمران خان کی بہنیں علیمہ خان ، عظمیٰ خان اور شیر شاہ کے وکلاء رانا مدثر، بیریسٹر تیمورعدالت میں موجود تھے۔
واضح رہے گزشتہ روز اے ٹی سی لاہور نے گزشتہ روز علیمہ خان کے بیٹے شاہ ریز خان کی بھی جناح ہاؤس حملہ کیس میں درخواست ضمانت منظور کرتے ہوئے رہائی کا حکم جاری کیا تھا۔
