جشنِ آزادی کے موقع پر نائب وزیر اعظم و وزیر خارجہ اسحاق ڈار نے ایک خصوصی پیغام جاری کیا ہے جس میں انہوں نے یومِ آزادی کی اہمیت اور قومی یکجہتی کو اجاگر کرتے ہوئے پوری قوم کو دلی مبارکباد پیش کی ہے اور کہا کہ یہ دن ہمارے عظیم آباؤ اجداد کی قربانیوں، حوصلے اور حق کے لیے ان کی بے مثال جدوجہد کی یاد دلاتا ہے، جن کی بدولت پاکستان جیسا آزاد ملک وجود میں آیا۔
تفصیلات کے مطابق اسحاق ڈار نے کہا کہ "لا الہ الا اللہ" کے پرچم تلے متحد پاکستانیوں کو کوئی طاقت شکست نہیں دے سکتی۔
عسکری تیاری،اصولی خارجہ پالیسی،اجتماعی ثابت قدمی نےپاکستان کو وسیع عالمی حمایت دلائی۔
قائداعظمؒ کے وژن کے مطابق پاکستان کے عالمی وقار کو مزید بلند کریں گے۔
اپنے اسٹریٹجک اور معاشی مفادات کو پُرامن ہمسائیگی کے اصول پر آگے بڑھائیں گے۔
یومِ آزادی اورمعرکہ حق ہمیں سرحدوں کےدفاع،سچائی،انصاف،وقار کےاصول کی پاسداری یاد دلاتا ہے۔
ذمہ دار،امن پسند جمہوری ملک ہونا ہی پاکستان کی خارجہ پالیسی ہے۔
متحد رہ کر جمہوری اقدار کی حفاظت اور مضبوط، باوقار،خوشحال پاکستان کی تعمیر کریں۔
