پاکستان اور امریکا نے انسداد دہشتگردی ڈائیلاگ کے مشترکہ اعلامیے میں ہر قسم کی دہشتگردی کے خاتمے کے عزم کو دہرایا۔ امریکی سفارتخانے کے مطابق ڈائیلاگ کی صدارت نبیل منیر اور گریگری ڈی لوجرفو نے کی، جس میں بی ایل اے، داعش خراسان اور ٹی ٹی پی کے خطرات سے نمٹنے پر اتفاق ہوا۔
اعلامیے میں امریکا نے پاکستان کی دہشتگردوں کے خلاف کامیابیوں کو سراہا اور جعفر ایکسپریس و خضدار اسکول بس حملوں میں جانی نقصان پر افسوس کا اظہار کیا۔
مزید کہا گیا کہ دونوں ممالک نے سکیورٹی چیلنجز، نئی ٹیکنالوجی کے دہشتگردی میں استعمال اور ادارہ جاتی ڈھانچے کو مضبوط بنانے پر بھی اتفاق کیا۔
اعلامیے کے مطابق اقوام متحدہ سمیت کثیرالجہتی فورمز پر قریبی تعاون جاری رکھنے کا عزم کا اعادہ کیا گیا جبکہ دہشتگردی کے خاتمے اور امن و استحکام کے لیے مسلسل اور منظم روابط ضروری قرار دیا گیا۔
