حکومت نے اپوزیشن کو 26 ویں ترمیم میں بہتری لانے کے لیے مذاکرات کی دعوت دتیے ہوئے کہا ہے کہ آئیں ہمارے ساتھ بیٹھیں اور بتائیں کہ اس ترمیم کو کیسے بہتر بنائیں؟۔
قومی اسمبلی میں اظہار خیال کرتے ہوئے وزیر قانون اعظم نذیر تارڑ کا کہنا تھا کہ ہم کل بھی تیار تھے آج بھی تیار ہیں۔ ماحول گرم کرنے اور کاغذ پھاڑنے سے مسئلہ حل نہیں ہو گا، مسئلہ بات کرنے سے ہی حل ہو گا۔
انہوں نے کہا کہ 26 ویں ترمیم سے سے عدالتوں سے ہونے والی پارلیمان کی بے توقیری کو روکا گیا ہے، پوری دنیا میں ججوں کے تقرر کا یہی طریقہ رائج ہے، 26 ویں ترمیم کے بعد زیرالتوا کیسز کم ہوئے ہیں۔
ان کا کہنا تھا کہ ماضی میں ایک حکم پر آئین توڑا گیا، پنجاب اور خیبرپختونخوا اسمبلیاں کیوں قبل ازوقت توڑی گئیں؟ بدقسمتی سے اپوزیشن تحمل سے بات سننے کو تیار نہیں۔
