عمران خان صدر عارف علوی سے کس بات پر مایوس ہیں؟ علیمہ خان نے بتا دیا

چیئرمین پی ٹی آئی کی بہن علیمہ خان نے میڈیا سے گفتگو کے دوران کہا ہے کہ چیئرمین پی ٹی آئی کا کہنا ہے کہ سائفر کیس میں طویل قید کی تیاری ہو رہی ہے۔

ان کا کہنا ہے کہ چیئرمین پی ٹی آئی کے پاس ورزش اور واک کے لیے جگہ نہیں ہے، اس حوالے سے پٹیشن دائر کر دی ہے۔

اُن کا مزید کہنا ہے کہ چیئرمین پی ٹی آئی صدرِ مملکت سے مایوس ہیں کہ وہ آئینی کردار نبھا نہیں سکے، صدر نے 90 دن میں الیکشن کروانے تھے مگر اپنا اختیار استعمال نہیں کیا۔

علیمہ خان نے یہ بھی کہا ہے کہ جیل میں ڈالنا ہے تو ڈال دیں ہم سازش کو کبھی قبول نہیں کریں گے۔