پائیدارترقی کے حصول کیلئے کمزور ملکوں کو وسائل فراہم کرنے ہوں گے: نگران وزیر اعظم

نگران وزیر اعظم انوار الحق کاکڑ اور ایرانی صدر ابراہیم رئیسی سوشل میڈیا نگران وزیر اعظم انوار الحق کاکڑ اور ایرانی صدر ابراہیم رئیسی

اقوام متحدہ کے زیر اہتمام پائیدار ترقیاتی اہداف سے متعلق لیڈرز ڈائیلاگ سے خطاب کرتے ہوئے نگران وزیراعظم انوارالحق کاکڑ نے کہا ہے کہ پائیدار ترقی کے حصول کیلئے کمزور ملکوں کو وسائل فراہم کرنے ہوں گے۔

نگران وزیر اعظم انوار الحق کاکڑ نے یو این جنرل اسمبلی اجلاس کے موقع پرعالمی ترقیاتی تعاون پر ہونے والے اجلاس میں شرکت کرتے ہوئے گلوبل ڈویلپمنٹ انیشئیٹو کیلئے پاکستان کے بھرپور تعاون کےعزم کا اعادہ کیا۔

نگران وزیر اعظم نے کہا کہ گلوبل ڈویلپمنٹ انیشئیٹو پرعمل درآمد سنگ میل ہے، چین کا بیلٹ اینڈ روڈ اقدام اور سی پیک پائیدار ترقیاتی اہداف کے حصول میں اہم ہیں۔ ان کا کہنا تھا کہ غذائی پیداوار، انفرا اسٹرکچر، سرمایہ کاری، صنعت کاری اور صحت کے شعبوں میں اقدامات کرنا ہوں گے۔

دورے کے موقع پر نگران وزیر اعظم انوار الحق کاکڑ اور ایرانی صدر ابراہیم رئیسی کے درمیان اقوام متحدہ (یو این) جنرل اسمبلی اجلاس کی سائیڈلائنز پر ملاقات ہوئی، ملاقات میں دونوں رہنماؤں نے دو طرفہ تعلقات اور باہمی دلچسپی کے امور پر تبادلہ خیال کیا۔

اس موقع پر نگران وزیر اعظم انوارالحق کاکڑ نے کہا کہ پاکستان ایران سے قریبی دوستانہ تعلقات کو مزید وسعت دینا چاہتا ہے، ایران کے ساتھ اقتصادی تعاون کا فروغ چاہتے ہیں۔

نگران وزیراعظم نے سرکاری افسران کی مفت بجلی سہولت ختم کرنے سے روک دیا انہوں نے کہا کہ پاک ایران مند سرحد پر بارڈر مارکیٹ کا افتتاح مثبت پیش رفت ہے، مند بارڈر مارکیٹ جیسے اقدامات سرحدی علاقوں کی اقتصادی ترقی میں معاون ہوں گے۔

ان کا کہنا تھا کہ پاکستان اور ایران کو اپنے جغرافیائی محل وقوع کا فائدہ اٹھانا چاہیے۔ نگراں وزیراعظم انوار الحق کاکڑ نے نیو یارک میں امریکی صدر جو بائیڈن کے عشائیے میں بھی شرکت کی۔

امریکی صدر کی جانب سے دنیا بھر سے آئے سربراہانِ مملکت کے اعزاز میں عشائیہ دیا جا گیا جس میں وزیراعظم اوران کی اہلیہ کو شرکت کی دعوت دی گئی تھی۔

اس عشائیہ میں صرف سربراہان مملکت،خواتین اول یا مرد اول کو دعوت دی گئی تھی۔

خیال رہے کہ نگران وزیراعظم اس وقت اقوام متحدہ کے جنرل اسمبلی اجلاس میں شرکت کیلئے امریکا میں موجود ہیں جہاں وہ مختلف اجلاسوں میں شرکت کے علاوہ عالمی رہنماؤں سے بھی ملاقاتیں کریں گے۔

install suchtv android app on google app store