سپرنٹنڈنٹ اٹک جیل نے توہین عدالت کی درخواست پر خصوصی عدالت میں جواب جمع کروا دیا. جواب میں کہا گیا ہے کہ جیل قوانین کے مطابق سیکرٹ ایکٹ کے ملزمان کو ٹیلیفون کی سہولت میسرنہیں ہے لہٰذا ٹیلیفون سے متعلق عدالتی حکم کی خلاف ورزی نہیں کی گئی۔۔
ڈسٹرکٹ جیل اٹک کے حکام نے چیئرمین پی ٹی آئی کی بیٹوں سے ٹیلی فون پربات کروانے سے انکار کردیا۔ سپرنٹنڈنٹ اٹک جیل نے توہین عدالت کی درخواست پر جاری کیے جانے والے نوٹس کے حوالے سے اپنا جواب خصوصی عدالت میں جمع کرادیا۔
سپرنٹنڈنٹ اٹک جیل نے جواب میں موقف اپنایا کہ جیل قوانین اجازت نہیں دیتے، اس لیے عمران خان کی ٹیلیفونک گفتگو نہیں کروائی جاسکتیں ہیں جواب میں کہا گیا ہے کہ جیل قوانین کے مطابق سیکرٹ ایکٹ کے ملزمان کو ٹیلیفون کی سہولت میسرنہیں ہے لہٰذا ٹیلیفون سے متعلق عدالتی حکم کی خلاف ورزی نہیں کی گئی۔۔
سپرنٹنڈنٹ اٹک جیل نے عدالت میں پنجاب پرزن فاؤنڈیشن کا خط بھی جمع کروایا جس کے مطابق پرزنرز قوانین 1978 کے مطابق قیدیوں کوٹیلیفون پربیرون ملک بات کرنے کی اجازت نہیں۔
آفیشل سیکرٹ ایکٹ کی خصوصی عدالت کے جج ابوالحسنات ذوالقرنین نے جیل سپرنٹنڈنٹ کے جواب پر 18ستمبر کو دلائل طلب کرلیے۔
