الیکشن کمیشن نے عمران خان کے الزامات کو مسترد کر دیا

الیکشن کمیشن کے ترجمان کی جانب سے جاری اعلامیے میں کہا گیا ہے کہ چئیرمین تحریک انصاف عمران خان کے الیکشن کمیشن اور چیف الیکشن کمشنر پر لگائے گئے تمام الزامات بے بنیاد اور جھوٹ کا پلندہ ہیں، جن کو ادارہ یکسر مسترد کرتا ہے۔

ترجمان نے عمران خان کو مخاطب کرتے ہوئے کہا کہ اخلاق کا درس دینا بہت آسان ہے لیکن اس پر خود عمل کرنا مشکل عمل ہے۔
اعلامیے میں واضح کیا گیا ہے کہ الیکشن کمیشن کی تمام کاروائی بشمول توشہ خانہ کیس کھلی عدالت میں ہوتی ہے۔ کمیشن کسی دباو کو خاطر میں نہ لاتے ہوئے آئین اور قانون کے مطابق اپنے امور سرانجام دیتا رہے گا۔