آصفہ بھٹو کو ڈرون کیمرہ لگنے کا معاملہ، پیپلز پارٹی کا آئی ایس آئی سے تحقیقات کا مطالبہ

اس حوالے سے پیپلز پارٹی نے ڈی جی آئی ایس لیفٹیننٹ جنرل ندیم انجم کو باضابطہ طور پر مراسلہ تحریر کردیا۔ مراسلہ پیپلز پارٹی کے سیکریٹری جنرل نیئر حسین بخاری کی جانب سے تحریر کیا گیا۔

خیال رہے کہ 4 مارچ کو خانیوال میں پیپلزپارٹی کے لانگ مارچ کے دوران ڈرون کیمرہ آصفہ بھٹو زرداری سے ٹکرایا تھا، وہ اپنے بھائی چیئرمین پیپلز پارٹی بلاول بھٹو زرداری کے ہمراہ کنٹینر پر موجود تھیں، ان کے زخم پر 5 ٹانکے آئے تھے۔

بعدازاں بلاول بھٹو زرداری آصفہ کو لے کر کنٹینر میں چلے گئے تھے جہاں انہیں ابتدائی طبی امداد دی گئی اور پھر ایمبولینس کے ذریعے بلاول ہاؤس ملتان بھیج دیا گیا۔