خصوصی عدالت نے سابق صدر پرویز مشرف کو سنگین غداری کا مرتکب قرار دیتے ہوئے آرٹیکل چھ کے تحت سزائے موت کی سزا سنا دی ہے جس ک بعد سوشل میڈیا پر سیاسی شخصیات کے ساتھ ساتھ شوبز سے تعلق رکھنے والی شخصیات بھی اپنے اپنے خیالات اور رد عمل کا اظہار کر رہے ہیں ۔
تفصیلات کے مطابق سابق صدر پرویز مشرف کو سزائے موت سنائے جانے پر اداکارہ وینا ملک نے ٹویٹر پر میدان سنبھالا اور پیغام جاری کرتے ہوئے کہا کہ ” سابق صدر جو کہ اپنے ملک کیلئے لڑا اسے خصوصی عدالت نے سزائے موت کی سزا سنا دی ہے ، مشرف ہیرو تھا اور ہمیشہ رہے گا۔"
A former president who fought for the country is given death sentence in the #SpecialCourt . The verdict will further polarise us. Musharraf was a hero, is a hero, and will always be a hero. #MusharrafVerdict
— VEENA MALIK (@iVeenaKhan) December 17, 2019
اپنے دوسرے پیغام میں وینا ملک کا کہناتھا کہ ” ہم ایک ایسے ملک میں رہتے ہیں جہاں اربوں کی لوٹ مار میں سزایافتہ شخص کو لندن جانے کیلئے محفوظ راستہ فراہم کر دیا جاتا ہے جبکہ سابق آرمی چیف جو کہ پاکستان کیلئے لڑا اسے سزائے موت دے دی جاتی ہے ، آپ کے ان کے ساتھ سیاسی اختلافات ضرور ہو سکتے ہیں ،وہ کچھ بھی ہو سکتاہے لیکن وہ غدار نہیں ہو سکتا ، مشرف صاحب ہم آپ کے ساتھ ہیں ۔“
We live in a country where a man convicted for looting billions is given a safe passage to London while a former COAS who fought for Pakistan is given death sentence. You may have political differences with him but he can be anything but traitor. #Musharraf sahab we are with u.
— VEENA MALIK (@iVeenaKhan) December 17, 2019