بھارتی مراٹھی فلم اور ٹیلی ویژن کی سینئر اداکارہ جیوتی چندیکر کا انتقال ہو گیا، جنہوں نے اپنے طویل کیریئر میں متعدد یادگار کردار ادا کیے اور اپنے فن سے لاکھوں دل جیتے۔
ان کی خدمات کو شائقین اور فلمی حلقے ہمیشہ یاد رکھیں گے۔
اداکارہ کے انتقال کی خبر ان کی بیٹی اور اداکارہ تیجسونی پنڈت نے سوشل میڈیا پر شیئر کی۔
تیجسونی نے انسٹاگرام پر لکھا کہ اطلاع دی جاتی ہے کہ ہماری پیاری ماں اور سب کی دلعزیز سینیئر اداکارہ جیوتی چندیکر پنڈت اب ہمارے درمیان نہیں رہیں۔
بھارتی میڈیا کے مطابق اداکارہ کی آخری رسومات 17 اگست کو پونے میں ہی ادا کی گئیں۔
بھارتی میڈیا کا کہنا ہے کہ جیوتی چندیکر نے محض 12 سال کی عمر میں اداکاری کا آغاز کیا اور ان کا کیریئر 5 دہائیوں پر محیط رہا۔
اس دوران انہوں نے کئی مشہور فلموں اور ڈراموں میں اداکاری کے جوہر دکھائے۔ جیوتی چندیکر کو اداکاری کے شعبے میں لازوال خدمات پرکئی ایوارڈز بھی ملے ۔
