پاکستان اسٹاک ایکسچینج (پی ایس ایکس) نے نیا سنگ میل عبور کرلیا، 100 انڈیکس نے ایک لاکھ 50 ہزار کی حد عبور کرلی۔ اسٹاک مارکیٹ میں اگست کے مہینے میں ریکارڈز بننے کا سلسلہ جاری ہے،کاروباری ہفتے کے دوسرے روز زبردست تیزی کے باعث 100 انڈیکس تاریخ کی بلند ترین سطح پر پہنچ گیا۔
بازار حصص کے 100 انڈیکس میں ایک ہزار 781 پوائنٹس کا اضافہ ہوا، جس کے بعد 100 انڈیکس ایک لاکھ 50 ہزار 42 پوائنٹس کی بلندی پر پہنچ گیا۔واضح رہے کہ گزشتہ روز کاروبار کے اختتام پر 100 انڈیکس ایک لاکھ 48 ہزار 196 پوائنٹس پر بند ہوا تھا۔
