حکومت کا 5 سی پیک منصوبوں کی لاگت کا 20 فیصد ایڈوانس لینے پر مشارت جا ری ہے۔
حکومت پاکستان کا چین پاکستان اقتصادی راہداری کے 5 منصوبوں کی مجموعی لاگت کا 20 فیصد پیشگی حاصل کرنے کی تجویز پر غور، یہ رقم مرکزی بینک میں بطور ڈپازٹ حاصل کی جائیگی تاکہ گرتے ہوئے زرمبادلہ کے ذخائر کو سہارا ملے۔
میڈیا رپورٹس کے مطابق وزیراعظم نے اس تجویز کو مزید بہتر بنانے کی ہدایت کی ہے۔ مذکورہ زرائع کا کہنا تھا کہ اجلاس میں 5 سی پیک منصوبے پر زیرغور لائے گئے جن پر آنے والی مجموعی تخمینہ لاگت 7 ارب ڈالر ہے۔
تجویز کے مطابق پاکستان کے مرکزی بینک کو کم از کم 1.40 ارب ڈالر موصول ہوسکتے ہیں۔ دوسری جانب ان منصوبوں پر کام کی رفتار میں تیزی لائی جاسکے گی جنھیں برسوں کی تاخیر کا سامنا ہے۔
تجویز کے مطابق اسپانسر کرنے والی چینی فرم مجموعی لاگت کا 20 فیصد امریکی ڈالر میں لائے گی اور یہ رقم ایک خصوصی اکائونٹ میں رکھی جائے گی۔ مذکورہ کمپنی پاکستان میں ہونے والے اخراجات بشمول تنخواہوں کی ادائیگی کے لیے رقم پاکستانی روپے میں نکلواسکے گی۔
وزیراعظم کے زیرغور لائے جانے سے قبل اس تجویز پر پاکستانی اور چینی حکام گفت و شنید کرچکے تھے۔ تجویز کے مطابق چینی کمپنیوں کو لیٹر آف کریڈٹ کھولنے سمیت کسی بھی صورت میں ان فنڈز کو واپس لے جانے کی اجازت نہیں ہوگی۔
