پاکستان اسٹاک ایکسچینج گزشتہ ہفتے کاروبار مثبت رجحان میں رہا

پاکستان اسٹاک ایکسچینج فائل فوٹو پاکستان اسٹاک ایکسچینج

گزشتہ ہفتے پاکستان اسٹاک ایکسچینج میں کاروبار مثبت رجحان میں رہا اور 100 انڈیکس میں 400 سے زائد پوائنٹس کا اضافہ ہوا۔

پاکستان اسٹاک مارکیٹ میں گزشتہ ایک ہفتے کے دوران 100 انڈیکس میں 418 پوائنٹس کا اضافہ ہوا جس کے بعد انڈیکس 45 ہزار 763 پر بند ہوا۔

10 سے 14 جنوری 2022 کے دوران انڈیکس کی ہفتہ وار بلند ترین سطح 46 ہزار 220 پوائنٹس اور کم ترین سطح 45 ہزار 206 پوائنٹس رہی۔

ایک ہفتے کے دوران مارکیٹ میں 1.77 ارب شیئرز کے سودے ہوئے۔

شیئرز بازار کے ہفتہ وار کاروبار کی مالیت 44 ارب روپے رہی جبکہ مارکیٹ کیپٹلائزیشن 74 ارب بڑھ کر 7846 ارب روپے ہوگئی۔

install suchtv android app on google app store