سعودی عرب میں ویزا، اقامہ اور دیگر امور سے متعلق قوانین واضح ہیں اور ان قوائد وضوابط پر عمل کرنا مقامی اور غیرملکیوں کے لیے لازمی ہے۔
وزٹ ویزے پر آئے کسی شخص کا اسٹیٹس ورک ویزے سے تبدیل ہوسکتا ہے؟ محکمہ پاسپورٹ کے ذیلی ادارے ‘جوازات’ نے نفی میں جواب دیتے ہوئے کہا کہ نئے نظام میں بھی ایسی کوئی تبدیلی نہیں کی گئی ہے۔
جوازات کا کہنا تھا کہ وزٹ ویزے کو ورک ویزے میں تبدیل کرنا قانونی طور پر ممکن نہیں ہے۔
محکمہ پاسپورٹ کے ذیلی ادارے نے یہ بھی وضاحت پیش کی کہ وزٹ ویزے کے مقررہ وقت کے بعد غیرملکی کو اپنے وطن واپس جانا ہوگا۔ خیال رہے کہ رہے مملکت میں قانون کے مطابق انفرادی وزٹ ویزے پر آنے والے قانونی طورپر کسی قسم کا کام کرنے کے اہل نہیں ہوتے۔
اگر کوئی شخص وزٹ ویزے پر آکر اپنے ملک واپس نہ لوٹے تو وہ غیرقانونی طور پر مقیم تصور کیا جاتا ہے۔ وزٹ ویزے تجارتی مقاصد کیے لیے استعمال نہیں کے جاسکتے۔
