کورونا وائرس کی عالمی وبا کے سد باب اور فضائی سفر کو محفوظ رکھنے کیلیے چین میں کورونا پاسپورٹ کے بعد اب امریکہ اور یورپی یونین نے بھی گرین پاس پرمٹ کی تیاری شروع کردی۔
امریکا اور برطانیہ سمیت متعدد ممالک کی جانب سے بین الاقوامی فضائی سفر کے لئے ویکسین گرین پاس پرمٹ کے اجراء پر غور کیا جارہا ہے۔
اطلاعات کے مطابق یورپی یونین کی جانب سے بھی ایک ویکسین گرین پاس پر کام کیا جارہا ہے جو وہاں کے شہریوں کو رکن ممالک اور دیگر خطوں میں سفر کی سہولت فراہم کرسکے گا۔
چین کے پروگرام میں ایک انکرپٹڈ کیو آر کوڈ ہوگا جو انتظامیہ کو مسافر کی صحت کی تفصیلات تک رسائی فراہم کرے گا۔
وی چیٹ اور دیگر اسمارٹ فون ایپس میں کیو آر ہیلتھ کوڈز کو پہلے ہی اندرون ملک سفر میں انٹری اور مختلف عوامی مقامات میں داخلے کے لیے استعمال کیا جارہا ہے۔
یہ ایپس صارفین کی لوکیشن کو ٹریک کرکے ایک گرین کوڈ جاری کرتی ہیں جو اچھی صحت کی علامت ہوتا ہے۔
