بیجنگ: چین کے مغربی صوبے گینزو کی لینگژیا کاؤنٹی نے اسکولوں کے بچوں کو سردی کی تعطیلات میں مذہبی تقریبات اور پروگراموں میں شرکت کرنے سے منع کردیا ہے۔
بچوں کو مذہب سے تعلق رکھنے والی تمام تر تقریبات میں شرکت سے روکنے کی پابندی تعلیمی بیورو نے عائد کی ہے اور اس کے احکامات آن لائن دیے گئے ہیں۔
بچوں کو ہدایت کی گئی ہے وہ مذہبی مقامات پر نہ تو داخل ہوں اور نہ ہی وہاں کتابوں کو مطالعہ کریں اور تعلیمی بیورو نے اساتذہ اوربچوں کو احکامات پر سختی سے عملدر آمد کرنے کی ہدایت کی ہے تاکہ ملکی سوشلسٹ نظریات اور اس کے پیغام کو مستحکم کیا جاسکے۔
واضح رہے اس کاؤنٹی میں اکثریت مسلمانوں کی ہے۔
