سعودی عرب نے عمرہ زائرین کو خوشخبری سناتے ہوئے اردو سمیت متعدد زبانوں میں ایپ کی سہولت فراہم کر دی۔
سعودی عرب میں ادارہ امور حرمین شریفین نے عمرہ زائرین کیلئے اردو سمیت متعدد زبانوں میں ڈیجیٹل رہنما ایپ دلیل المصلی کی سہولت فراہم کردی ہے۔
سعودی میڈیا کے مطابق اس ڈیجیٹل رہنما ایپ کے ذریعے عمرہ زائرین کے لئے حرمین نمازوں کے اوقات، آئمہ حرمین و موذنین کا تعارف، قرآن کریم کے ڈیجیٹل نسخے، خطبات جمعہ اور حرمین شریفین میں ہونے والے درس کے علاوہ مسنون اذکار بھی دیے گئے ہیں۔
اس ایپ میں رمضان میں اعتکاف کے حوالے سے مکمل رہنمائی بھی دی گئی ہے، نماز کے اوقات سے متعلق ڈیجیٹل واچ کی سہولت بھی دی گئی ہے جس کے ذریعے ایک سے دوسری نماز کے درمیان وقت کی نشاندہی کی جاتی ہے۔
یہ ڈیجیٹل گائیڈ اردو، عربی، انگلش، ترکی، فرانسیسی، ملاوی اور انڈونیشیائی زبانوں میں ہے اس کے استعمال کو بھی انتہائی آسان رکھا گیا ہے۔ اس گائیڈ کو اپنے موبائل پر اسکین کرنے کیلئے حرمین شریفین میں مختلف مقامات پرکیو آر کوڈ موجود ہیں جنہیں سکین کرکے اپنے موبائل پر اس سے فائدہ اٹھایا جا سکتا ہے۔
