عمرے کی ادائیگی کا خواہش مند ہر مسلمان ہوتا ہے اور حج کے بعد سے ہی عمرے کی ادائیگی کیلئے مسلمان جوق در جوق مکہ مکرمہ پہنچ رہے ہیں۔
مکہ مکرمہ پہنچتے ہی ہر شخص کی یہ خواہش ہوتی ہے کہ وہ خانہ کعبہ کے قریب تر ہو سکے اور حجر اسود کا بوسہ حاصل کرنے کی بھی سعادت حاصل کر سکے لیکن رش ہونےکی وجہ سے بہت کم لوگوں کو اس سعادت کا موقع مل پاتا ہے۔
تو ایسا کون سا وقت ہوتا ہے جس میں رش کم ہو اور آپ سکون سے عمرہ کر سکیں؟ اس حوالے سے سعودی وزیرحج و عمرہ ڈاکٹر توفیق الربیعہ نے آگاہی فراہم کردی۔
سعودی وزیر برائے حج و عمرہ کی جانب سے بتایا گیا ہے کہ مکہ مکرمہ میں ان دنوں موسم انتہائی خوشگوار ہے۔
سعودی وزیر ڈاکٹر توفیق الربیعہ کے مطابق عمرے کی ادائیگی کے لیے اتوار، منگل اور بدھ کو رش کم ہوتا ہے۔
انہوں نے بتایا کہ عمرے کیلئے بہتر وقت صبح ساڑھے7 سے ساڑھے 10 اور رات 11 سے 2 بجے کا ہوتا ہے۔
ڈاکٹر توفیق الربیعہ نے بتایا کہ رش سے بچنے والے عمرہ زائرین ان اوقات میں پرسکون عمرے کی سعادت حاصل کر سکتے ہیں۔
