جنوبی افریقا اور بنگلہ دیش سمیت پانچ ممالک نے اسرائیل حماس جنگ کی تحقیقات کے لیے عالمی فوجداری عدالت سے رجوع کر لیا۔
عالمی میڈیا رپورٹس کے مطابق فلسطین کی صورتحال کی تحقیقات کا مطالبہ کرنے والے ممالک میں بولیویا، جبوتی اور مشرقی افریقی ملک Comoros شامل ہیں۔
علاوہ ازیں جنوبی افریقہ کے صدر راما فوسا کا کہنا تھا کہ ہم نے شکایت اسرائیلی جنگی جرائم کی تحقیقات کے لیے درج کرائی ہے۔
انہوں نے کہا کہ اسرائیل غزہ کی پٹی میں جنگی جرائم اور نسل کشی کا ارتکاب کر رہا ہے جبکہ اسپتالوں اور انفرااسٹرکچر کو تباہ کر دیا گیا ہے۔
صدر راما فوسا نے مزید کہا کہ ہزاروں فلسطینی جان سے جا چکے ہیں، یقین ہے کہ عالمی فوجداری عدالت اسرائیلی جنگی جرائم کی تحقیقات کرے گی۔
