ہر شخص اپنی صحت کے حوالے سے ہمیشہ احتیاط سے کام لیتا ہے لیکن کبھی کبھی کچھ ایسا ہوجاتا ہے جس کے بارے میں آپ سوچ بھی نہیں سکتے۔
ایسا ہی کچھ تائیوان میں ایک خاتون کے ساتھ ہوا جب اپنے کان میں آنے والی عجیب سی آوازوں نے اسے بہت ذیادہ پریشان کیا تواس نے تائیوان کے تائینان میونسپل اسپتال میں کان، ناک اور گلے کے کلینک کا دورہ کیا۔
جہاں ای این ٹی اسپیشلسٹ کی جانچ کے بعد انھوں نے اس کے کان سے حیرت انگیز طور پر ایک چھوٹی مکڑی دریافت کی۔
ہائی بلڈ پریشر میں مبتلا خاتون کو جب کلینک میں چیک اپ کے لئے لایا گیا تو اس نے بتایا کہ وہ کان کی اس تکلیف میں 4 دن سے مبتلا ہے اوراسے سوتے میں بھی غیر معمولی آوازیں پریشان کررہی تھیں۔
معائنہ کرنے پر ڈاکٹرز نے ایک چھوٹی مکڑی کو بائیں کان کی بیرونی سننے والی نالی کے اندر گھومتے ہوئے دیکھا، جہاں اس کے ساتھ مکڑی کا بیرونی ڈھانچہ (مولڈ ایکسوسکیلیٹن) بھی موجود تھا۔
آخر کار ڈاکٹروں نے مکڑی اور ہڈی کو کینولا کا استعمال کرتے ہوئے باہر نکالنے میں کامیابی حاصل کی۔ ڈاکٹر ٹینگچن وانگ نے کہا کہ ’اسے درد محسوس نہیں ہوا کیونکہ مکڑی بہت چھوٹی تھی۔ یہ صرف 2 سے 3 ملی میٹر ہے۔‘
مسٹر وانگ کے مطابق بعض صورتوں میں کیڑے کان کے پردے کو نقصان پہنچا سکتے ہیں۔
وانگ نے کہا کہ اس کیس کی جدت نے انہیں نیو انگلینڈ جرنل آف میڈیسن کے لیے رپورٹ لکھنے پر مجبور کیا۔ اگرچہ اس نے لوگوں کے کانوں میں ہر طرح کے کیڑوں کو پھنسا ہوا دیکھا تھا لیکن اس نے کبھی بھی بہنے والی مکڑی نہیں دیکھی تھی۔
اس سے پہلے وہ لوگوں کے کانوں میں چیونٹیاں، کیڑے، کاکروچ اور مچھر دیکھ چکے تھے۔ ڈاکٹر ٹینگچن وانگ ٹینان میونسپل اسپتال کے آٹولرینگولوجی ڈپارٹمنٹ کے ڈائریکٹر ہیں۔
