کویت میں نرسوں کے الاؤنس میں اضافے کا اعلان کیا گیا ہے۔ کویت میں نرسوں کے لیے 450 سے 850 دینار الاؤنس کا اعلان کیا گیا ہے، یہ اضافہ سرکاری اداروں میں کام کرنے اور کویتی شہریت رکھنے والی نرسز کے الاؤنسز میں کیا گیا ہے۔
وزارت صحت کویت نے کہا ہے کہ جن لوگوں کو ’بہترین کام کے ایوارڈز‘ کے بارے میں شکایات ہیں وہ 16 ستمبر 2021 سے پہلے وزارت کی سرکاری ویب سائٹ پر آن لائن درج کروا سکتے ہیں، اس کے بعد کوئی شکایت قبول نہیں کی جائے گی۔
ایک بار شکایت درج ہونے کے بعد متعلقہ ملازم شکایت کی وصولی کو تسلیم کرتے ہوئے 24 گھنٹوں کے اندر ایک ٹیکسٹ میسج وصول کرے گا۔
شرائط کے طور پر شکایت پیش کرتے وقت 2020 کے کام کی تشخیص کی فائل پی ڈی ایف فارمیٹ میں منسلک ہونی چاہیے، اور پورے سال کے دوران ان کے خلاف کوئی تادیبی کارروائی نہیں کی گئی ہو۔
بیماری کی وجہ سے 15 دن سے زیادہ اسپتال میں داخل ہونے کے علاوہ ملازم کی چھٹیاں 15 دن سے زیادہ نہیں ہونی چاہیئں، اور سال 2020 کے لیے اسے ’بہترین کام‘ کے لیے ادائیگی نہیں کی گئی ہو، اور کارکنوں کے کام کے ایام کی تعداد 180 دن ہونے چاہئیں۔
