این ڈی ایم اے نے ملک کے مختلف علاقوں میں اسموگ کی ممکنہ صورتحال کے پیش نظر الرٹ جاری کر دیا ہے۔ ترجمان این ڈی ایم اے کے مطابق لاہور، فیصل آباد، ملتان، بہاولپور، سیالکوٹ، گوجرانوالہ اور شیخوپور میں اسموگ میں اضافہ متوقع ہے، اور شہریوں کو احتیاط برتنے کی ہدایت کی گئی ہے۔
اس کے علاوہ راولپنڈی، اسلام آباد سمیت کے پی کے متعدد علاقوں اور سندھ کےبالائی علاقوں میں بھی دھند میں اضافہ متوقع ہے۔
ترجمان این ڈی ایم اےکے مطابق اسموگ کے باعث متعدد شہروں میں ٹریفک کی روانی متاثرہونےکا بھی امکان ہے۔
این ڈی ایم اے ترجمان نے مزید بتایا کہ ڈیزاسٹر مینجمنٹ اتھارٹی تمام ممکنہ خطرات سے نمٹنے کےلیے پیشگی اقدامات یقینی بنا رہا ہے۔
