مون سون کے حالیہ اسپیل کے نتیجے میں فلڈفارکاسٹنگ ڈویژن کا الرٹ جاری

مون سون کے حالیہ اسپیل کے نتیجے میں فلڈفارکاسٹنگ ڈویژن کا الرٹ جاری فوٹو فائل مون سون کے حالیہ اسپیل کے نتیجے میں فلڈفارکاسٹنگ ڈویژن کا الرٹ جاری

 ملک میں جاری مون سون کے حالیہ اسپیل کے نتیجے میں فلڈفارکاسٹنگ ڈویژن نے الرٹ جاری کردیا ہے۔

فلڈفارکاسٹنگ ڈویژن کی جانب سے جاری الرٹ میں کہا گیا ہے کہ حالیہ بارشوں اور گلیشیئر پگھلنے کے نتیجے میں دریائے سندھ،دریائےکابل،جہلم اور چناب میں سیلاب کا خدشہ ہے، ان دریاؤں میں سیلاب کےخطرات کے پیش نظر حفاظتی اقدامات یقینی بنانےکی ہدایت کی گئی ہے۔

چند روز قبل مقبوضہ کشمیر میں شدید بارشوں کے باعث دریائے چناب میں اونچے درجے کے سیلاب کی وارننگ جاری کی گئی تھی۔
دوسری جانب صوبہ بلوچستان میں شدید بارشوں کے باعث سبی کے ندی نالوں میں دوسرے روز بھی سیلابی صورتحال ہے، محکمہ انہار کے مطابق دریائے ناڑی اورتلی ندی میں اونچےدرجے کاسیلاب ہے، اس وقت دریائےناڑی میں 96ہزارکیوسک جبکہ تلی ندی میں 44ہزارکیوسک کاریلا گزرہا ہے، جس کے باعث 15مکانات منہدم جبکہ 300کچےمکانات متاثرہوئے ہیں۔

ڈیرہ اسماعیل خان میں بھی حالیہ بارشوں کے بعد پہاڑی ندی نالوں میں طغیانی ہے، دريائےلونی میں اونچےدرجے کاسیلاب ہے، علاقه گنڈپوری کے مرکزی شہر کلاچی ميں دو اطراف سےپانی داخل ہوگیا ہے، سیلابی ریلے کے باعث کلاچی میں ساٹھ سےستر گھر سیلابی ریلےسےمتاثر ہوگئے ہیں۔

install suchtv android app on google app store