واٹس ایپ دنیا کا مقبول ترین میسجنگ پلیٹ فارم ہے اور روزانہ اربوں افراد اسے استعمال کرتے ہیں۔
اس میں میسجز، تصاویر، ویڈیوز اور ڈاکومنٹس سمیت کافی کچھ شیئر کیا جاتا ہے۔
کچھ عرصے سے اینڈرائیڈ صارفین کے لیے ڈاکومنٹس یا دستاویزات کو شیئر کرنے کا عمل سادہ کر دیا گیا ہے۔
ایک فیچر کے ذریعے صارفین بہت آسانی سے دستاویزات کو ایپ کے اندر رہتے ہوئے اسکین کرسکتے ہیں۔یہ فیچر واٹس ایپ کے آئی او ایس صارفین کو کافی عرصے سے دستیاب تھا مگر اب اینڈرائیڈ صارفین بھی استعمال کرسکتے ہیں۔
اس فیچر کو دستاویزات کی شیئرنگ کے مینیو کا حصہ بنایا گیا ہے۔
اس اضافے کے بعد صارفین ڈیوائس کے کیمرے سے کسی بھی دستاویز کو اسکین کرسکتے ہیں اور انہیں کسی اسکیننگ ٹول یا ایپ کی ضرورت نہیں رہی۔
یہ فیچر ان صارفین کے لیے کارآمد ثابت ہوگا جن کو کوئی دستاویز کسی کے ساتھ شیئر کرنا ہوتی ہے۔
فیچر استعمال کرنے کا طریقہ بھی بہت آسان ہے ۔
جب صارف کی جانب سے ڈاکومنٹ شیئرنگ مینیو اوپن کیا جائے گا تو وہ وہاں تیسرے نمبر پر موجود اسکین آپشن کا انتخاب کرنا ہوگا۔
اس آپشن کو منتخب کرنے پر کیمرا متحرک ہوگا جس کے بعد دستاویز کو اسکین کیا جاسکے گا۔
اسکین کے بعد صارفین اس کا پریویو بھی دیکھ سکیں گے اور اس کے مطابق تبدیلیاں کرسکیں گے۔
ایپ کی جانب سے خودکار طور پر مارجن سجیسٹ کیا جائے گا مگر صارفین اسے اپنی مرضی کے مطابق ایڈجسٹ کرسکیں گے۔
جب صارف اسکین سے مطمئن ہو جائے گا تو پھر وہ انفرادی یا گروپ چیٹ میں اسے سینڈ کرسکے گا۔
واٹس ایپ کے اس فیچر میں اسکیننگ کا معیار بہترین ہوگا اور دستاویزات کو آسانی سے پڑھنا ممکن ہوگا۔
