انسٹاگرام کا نیا فیچر

اس فیچر کا نام ’’ٹیک آ بریک‘‘ ہے۔ نیا فیچر خود سے فعال نہیں ہوگا بلکہ صارفین کو یہ خود طے کرنا ہوگا کہ وہ 10منٹ، 20 یا 30 منٹ بعد وقفہ لینا چاہتے ہیں اور پھر ایپ میں اسی حساب سے ریمائنڈر بھی آن کرنا ہوگا۔

صارفین طے شدہ وقت پر ریمائنڈر کی وجہ سے مسلسل انسٹاگرام استعمال کرنے سے بچ سکیں گے۔ 

رپورٹس کے مطابق انسٹاگرام کی جانب سے 'Take a Break' فیچر کو متعارف کروانے کا مقصد صارفین کو اس ایپ کی لت سے بچانا ہے ۔

انسٹاگرام کے سربراہ کا کہنا ہے کہ اس فیچر کا ٹیسٹ کیا جارہا ہے اُمید ہے کہ اسے رواں سال دسمبر میں متعارف کروادیا جائے گا۔