قومی کرکٹرز نے بھی کورونا وائرس سے نبردآزما ہونے کی تیاری کرلی، کرکٹ بورڈ کے جاری کردہ تربیتی منصوبے پر عملدرآمد شروع کردیا گیا ہے۔
پلان کی مدد سے کھلاڑی موضی مرض کے خلاف لڑنے کی صلاحیت پیدا کرسکیں گے۔
ابتدائی طور پر صوبائی اور سینٹرل کنٹریکٹ کھلاڑیوں تین ہفتوں تک اس منصوبے کے تحت اپنی تربیت مکمل کریں گے، تربیتی منصوبے کے تحت کھلاڑیوں کو مختلف نوعیت کی تربیتی مشقوں کے بارے میں آگاہ کیا گیا تھا جن پر کھلاڑیوں نے عملدرآمد شروع کردیا ہے۔
کرکٹ بورڈ ماہرین کا ماننا ہے کہ طاقتور اور صحت مند کھلاڑی کورونا وائرس کو مات دینے کی زیادہ صلاحیت رکھتا ہے اس لئے قومی کرکٹرز کےلئے ایک جامع منصوبہ بندی شروع کی گئی ہے تاکہ کھلاڑیوں کو صحت مند اور توانا رکھا جاسکے۔
Cricket stars’ tips to beat COVID-19#COVID2019 #CoronaInPakistan #LetsBeatCOVID19 pic.twitter.com/vBQ1q9WzdY
— Pakistan Cricket (@TheRealPCB) March 18, 2020
پاکستان کرکٹ بورڈ نے کورونا وائرس کے خطرات کے پیش نظر پہلے ہی کھیلوں کی تمام سرگرمیاں منسوخ کردیں تھیں۔