یوراج سمرا کی دھواں دار سنچری، کینیڈا کا نیوزی لینڈ کو 174 رنز کا ہدف

آئی سی سی ٹی ٹوئنٹی ورلڈ کپ میں کینیڈا نے جارحانہ بیٹنگ کا مظاہرہ کرتے ہوئے نیوزی لینڈ کو جیت کے لیے 174 رنز کا ہدف دے دیا۔

کینیڈا نے ٹاس جیت کر پہلے بیٹنگ کا فیصلہ کیا۔ اننگز کا آغاز یوراج سمرا اور دلپریت باجوہ نے کیا اور ٹیم کو پراعتماد آغاز فراہم کیا۔ دلپریت باجوہ 36 رنز بنا کر آؤٹ ہوئے، تاہم یوراج سمرا نے ذمہ دارانہ اور جارحانہ بیٹنگ کرتے ہوئے میدان مار لیا۔

یوراج سمرا نے 65 گیندوں پر 6 چھکوں اور 11 چوکوں کی مدد سے شاندار 110 رنز اسکور کیے اور ٹیم کو بڑے مجموعے تک پہنچایا۔ کینیڈا نے مقررہ 20 اوورز میں 4 وکٹوں کے نقصان پر 173 رنز بنائے۔

نیوزی لینڈ کی جانب سے میٹ ہینری، جمی نیشم، جیکب ڈفی اور کائل جیمیسن نے ایک، ایک وکٹ حاصل کی۔

اب نظریں اس بات پر ہیں کہ کیا نیوزی لینڈ یہ ہدف حاصل کر پائے گا یا کینیڈا ٹورنامنٹ میں بڑا اپ سیٹ کرے گا۔