انٹرنیشنل کرکٹ کونسل (آئی سی سی) نے انڈر 19 ورلڈ کپ کے لئے میچ آفیشلز کے پینل کا اعلان کر دیا ہے۔
دبئی سے جاری بیان کے مطابق ٹورنامنٹ کے ابتدائی مرحلے میں 17 امپائرز اور 4 میچ ریفریز فرائض انجام دیں گے، جو مقابلوں کی شفاف اور منصفانہ نگرانی کو یقینی بنائیں گے۔
آئی سی سی کے مطابق اعلان کردہ میچ آفیشلز میں پاکستان کے فیصل آفریدی بھی شامل ہیں، جو بین الاقوامی سطح پر پاکستان کی نمائندگی کریں گے فیصل آفریدی کی شمولیت کو پاکستانی کرکٹ کیلئے اعزاز قرار دیا جا رہا ہے۔
بیان میں مزید بتایا گیا ہے کہ سپر سکس مرحلے اور ناک آؤٹ مقابلوں کے لیے میچ آفیشلز کا اعلان بعد میں کیا جائے گا[ آئی سی سی حکام کے مطابق اگلے مرحلوں کے لیے آفیشلز کا انتخاب کارکردگی اور تجربے کی بنیاد پر کیا جائے گا۔
ٹی 20 ورلڈ کپ: بھارت نے کھلاڑیوں کی ویزا درخواستیں مسترد کر دیں
انڈر 19 ورلڈ کپ زمبابوے اورنمیبیا میں کھیلا جائے گا، جہاں دنیا بھر سے نوجوان کرکٹرز اپنی صلاحیتوں کا مظاہرہ کریں گے۔
آئی سی سی کا کہنا ہے کہ دونوں میزبان ممالک میں ٹورنامنٹ کی کامیاب میزبانی کے لیے انتظامات حتمی مراحل میں داخل ہو چکے ہیں۔
نوجوان کھلاڑیوں کے ساتھ ساتھ میچ آفیشلز کی پیشہ ورانہ کارکردگی بھی ٹورنامنٹ کی کامیابی میں اہم کردار ادا کرے گی۔
