پاکستان کے فاسٹ بولر عرفان جونیئر پر آسٹریلیا میں بال ٹیمپرنگ کا جرم ثابت ہوگیا ہے، جس کے نتیجے میں ان پر 5 میچز کی پابندی عائد کر دی گئی۔ آسٹریلوی میڈیا کے مطابق امپائرز نے وکٹوریا پریمیئر شپ کے دوران میچ میں بال کی حالت خراب کرنے پر عرفان جونیئر پر الزام عائد کیا تھا۔
بعد ازاں کرکٹ وکٹوریا کے ٹریبونل نے سماعت کے بعد الزام درست ثابت ہونے پر یہ پابندی لگائی۔
رپورٹس کے مطابق عرفان جونیئر اس وقت آسٹریلیا میں ڈومیسٹک کرکٹ کھیل رہے ہیں۔
وہ ماضی میں پاکستان کی فرسٹ کلاس کرکٹ میں بھی سرگرم رہے ہیں اور پاکستان سپر لیگ (پی ایس ایل) میں مختلف فرنچائزز کی نمائندگی کر چکے ہیں۔
چند برس قبل عرفان جونیئر آسٹریلیا منتقل ہو گئے تھے۔
عرفان جونیئر آسٹریلیا میں لوکل کرکٹ کلب کرکٹ کھیلنے کے بعد ڈومیسٹک کرکٹ ٹورنامنٹس کھیلنے کے اہل ہوئے۔
