پاکستان کرکٹ ٹیم کے کپتان کی دوبارہ تبدیلی پر سابق کپتان شاہد آفریدی کا ردعمل سامنے آگیا۔
ایکس پر بیان جاری کرتے ہوئے شاہد آفریدی نے لکھا کہ میں سلیکشن کمیٹی میں شامل تجربہ کار پلیئرز کے فیصلے پر حیران ہوں، اگر تبدیلی ضروری تھی تو قیادت کیلئے محمد رضوان بہتر چوائس تھے۔
شاہد آفریدی نے کہا کہ تاہم اب فیصلہ ہوچکا ہے تو بابر اعظم کیلئے میری حمایت اور نیک خواہشات حاضر ہیں۔
واضح رہے کہ پاکستان کرکٹ بورڈ نے بابر اعظم کو ایک بار پھر پاکستان کرکٹ ٹیم کا کپتان بنا دیا ہے۔ بابر اعظم شاہین آفریدی کی جگہ قومی ٹی ٹوئنٹی ٹیم کی قیادت کریں گے۔
یہ بھی پڑھیں: کپتانی سے ہٹائے جانے پر شاہین آفریدی کا ردعمل سامنے آگیا
اس سے قبل گزشتہ سال ورلڈکپ میں شکست کے بعد بابر اعظم کے کپتانی سے دستبردار ہونے کے بعد شاہین آفریدی کو قومی ٹیم کاکپتان بنایا گیا تھا۔
