قومی کرکٹ ٹیم کے فاسٹ باؤلر شاہین آفریدی پاکستان کے سب سے مہنگے کھلاڑی بن گئے۔
پاکستان کے متعدد کھلاڑی دی ہنڈرڈ لیگ کا حصہ بن گئے جبکہ شاہین شاہ آفریدی ڈرافٹنگ میں پاکستان کے سب سے مہنگے کھلاڑی رہے۔
ویلش فائر نے شاہین آفریدی کو ایک لاکھ پاؤنڈ میں اٹھا لیا جبکہ حارث رؤف بھی 60 ہزار پاؤنڈ میں ویلش فائر کا حصہ بن گئے۔ اوول انونسیبلز نے فاسٹ باؤلر احسان اللہ کو 40 ہزار پاؤنڈ میں لیا۔
ڈرافٹنگ میں بابر اعظم اور محمد رضوان کو کسی ٹیم نے نہیں لیا جبکہ شاداب خان کو ایک لاکھ پاؤنڈ میں برمنگھم فینکس نے ری ٹین کیا ہے۔
