شاہین آفریدی کی عدم دستیابی پاکستان کیلئے بہت بڑا نقصان ہے: انگلش ہیڈ کوچ

برینڈن میک کلم فائل فوٹو برینڈن میک کلم

انگلش کرکٹ ٹیم کے ہیڈ کوچ برینڈن میک کلم کا کہنا ہے کہ شاہین شاہ آفریدی کی عدم دستیابی پاکستان کے لیے بہت بڑا نقصان ہے۔

راولپنڈی میں پریس کانفرنس کرتے ہوئے ہیڈ کوچ انگلش ٹیم برینڈن میک کلم کا کہنا تھا عرب امارات میں بہترین کیمپ میں حصہ لیا، پاکستان میں آکر اچھا لگ رہا ہے، پاکستان میں اچھی مہمان نوازی کی جا رہی ہے، آج پہلا پریکٹس سیشن کیا ہے۔

برینڈن میک کلم کا کہنا تھا دونوں ٹیموں نے پنڈی کرکٹ اسٹیڈیم میں اچھی ٹریننگ کی ہے، راولپنڈی ٹیسٹ کے لیے اچھی پچ بننے کی امید کر رہے ہیں۔

ان کا کہنا تھا پاکستان میں کرکٹ کے لیے بہت جذباتی شائقین ہیں، ہم بہترین کرکٹ کھیلنے کی امید کر رہے ہیں۔

انگلش ٹیم کے ہیڈ کوچ کا کہنا تھا آسٹریلیا میں ورلڈکپ جیتنے سے کھلاڑیوں کے اعتماد میں اضافہ ہوا ہے۔

ایک سوال کے جواب میں برینڈن میک کلم کا کہنا تھا شاہین شاہ آفریدی ایک بہترین فاسٹ بولر ہیں، شاہین شاہ آفریدی کی عدم دستیابی پاکستان کے لیے بہت بڑا نقصان ہے۔

ان کا کہنا تھا پاکستان کا ٹیسٹ اسکواڈ بہت اچھا ہے جو سینئرز اور جونیئرز پر مبنی ہے، ہمیں امید ہے کہ پاکستان کے ساتھ اچھا مقابلہ ہو گا اور دوسرے ٹیسٹ کے لیے مارک ووڈ کی دستیابی کے لیے بھی پرامید ہیں۔

سابق ٹیسٹ کرکٹر کا کہنا تھا پاکستان کے خلاف جارحانہ مزاج کی کرکٹ کھیلنے کی کوشش کریں گے، پاکستان کے پاس ماضی میں بہترین فاسٹ بولرز آئےہیں، پاکستان میں کرکٹ سیریز چیلنچنگ ہوگی، پنڈی کرکٹ اسٹیڈیم میں فُل ہاؤس کے سامنےکھیلنے کے لیے پرجوش ہیں، کھلاڑی یہ چاہتے ہیں کہ شائقین کرکٹ اسٹیڈیم میں پہنچیں۔

انگلش کوچ کا کہنا تھا پاکستان میں پہلی بار آکر خوشی محسوس کررہاہوں، پاکستان میں کئی سالوں سے کرکٹ نہیں ہوئی، پاکستان کی ایک جنریشن نے پاکستانی کھلاڑیوں کو اپنے سامنے کھیلتے نہیں دیکھا، پاکستان میں آئندہ چند ہفتے محظوظ ہو کر کرکٹ کھیلیں گے۔

subscribe YT Channel install suchtv android app on google app store