رمیز راجہ کے ورلڈکپ میں شرکت نہ کرنے کے بیان پر بھارت کا ردعمل سامنے آگیا

رمیز راجہ کے ورلڈکپ میں شرکت نہ کرنے کے بیان پر بھارت کا ردعمل سامنے آگیا فائل فوٹو رمیز راجہ کے ورلڈکپ میں شرکت نہ کرنے کے بیان پر بھارت کا ردعمل سامنے آگیا

بھارتی وزیر کھیل انوراگ ٹھاکر کا چیئرمین پاکستان کرکٹ بورڈ (پی سی بی) رمیز راجہ کے بیان پر رد عمل سامنے آیا ہے۔

انوراگ ٹھاکر نے کہا کہ کوئی ملک انڈیا کو نظر انداز نہیں کر سکتا، درست وقت کا انتظار کریں، بھارت کھیلوں کی دنیاکی بڑی طاقت ہے، اس لیے انڈیا کو نظر انداز نہیں کیا جا سکتا۔

خیال رہے کہ چیئرمین رمیز راجہ نے بھارت کے ایشیا کپ کیلئے نہ آنے کی صورت میں بھارت نہ جانے کا اعلان کیا ہے اور کہا ہے کہ بھارت نہیں آئے گا تو پاکستان بھی ورلڈ کپ کیلئے بھارت نہیں جائے گا۔

رمیز راجہ کا یہ بھی کہنا ہے کہ پاکستان بھارت میں نہیں کھیلے گا تو ورلڈ کپ کون دیکھے گا؟

بھارتی میڈیا کا کہنا ہے کہ رمیز راجہ کے بیان پر بھارت میں شدید غصہ پایا جاتا ہے، رمیز راجہ کے بیان نے ایک طوفان برپا کر دیا ہے۔

install suchtv android app on google app store