کراچی میں ہیوی ٹریفک نے مزید دو شہریوں کی جان لے لی، فیڈرل بی ایریا میں راشد منہاس روڈ پر ڈمپرکی ٹکر سے موٹرسائیکل سوار بہن اور بھائی موقع پر جاں بحق جبکہ والد شدید زخمی ہو گیا۔ جاں بحق افراد میں بائیس سال کی ماہ نور اور چودہ سال کا علی رضا شامل ہیں، زخمی شخص اور لاشوں کو اسپتال منتقل کردیا گیا۔
حادثے کے بعد شہری مشتعل ہوگئے، شہریوں نے ڈمپر ڈرائیور پر تشدد کے بعد سات ڈمپروں کو آگ لگا دی۔
ترجمان ریسکیو کا کہنا ہے کہ فائر فائٹرز نے ڈمپروں میں لگی آگ پر قابو پالیا۔
پولیس نے ڈمپر جلانے کے الزام میں دس افراد کو گرفتار کرلیا ہے جبکہ حادثے کے بعد راشد منہاس روڈ کو ٹریفک کے لیے بند کردیا گیا۔
