کراچی: ٹریفک حادثے میں خواتین و بچوں سمیت 5 افراد جاں بحق

پولیس کے مطابق نجی ہاؤسنگ سوسائٹی میں کسی کام کی وجہ سے کئی فٹ گہری کھدائی کی گئی تھی اور اس میں پانی بھرا ہوا تھا کہ اس دوران وہاں سے گزرنے والی کار اس میں جاگری۔

رپورٹ کے مطابق حادثے میں کار میں سوار 45 سالہ احمر شریف، اہلیہ 40 سالہ صائمہ احمر، بیٹا 14 سالہ عبداللہ شریف، 48 سالہ فہمیدہ نعیم اور 14 سالہ حماد جاں بحق ہو گئے۔

واقعے کے فوراً بعد کار کو کرین کی مدد سے باہر نکالا گیا۔ حادثے میں جاں بحق ہونے والے افراد ملیر ہالٹ کے رہائشی ہیں۔ پولیس نے واقعے سے متعلق تحقیقات شروع کردی ہے۔