دعا زہرہ کی عمر کے تعین کیلئے میڈیکل کی درخواست خارج

لاہور ہائی کورٹ فائل فوٹو لاہور ہائی کورٹ

لاہور کی عدالت نے کراچی سے لاپتا ہوکر پاکپتن سے ملنے والی دعا زہرہ کے عمر کے تعین کے لیے میڈیکل کی استدعا مسترد کردی جب کہ سندھ ہائیکورٹ نے پولیس کو دعا کو پیش کرنے کی ہدایت کی ہے۔

کراچی پولیس کے تفتیشی افسر نے دعا زہرہ کی عمر کے تعین کے لیے میڈیکل کرانے کی درخواست دائر کی تھی جسے عدالت نے خارج کرتے ہوئے کہا کہ دعا زہرہ کی مرضی کے بغیر میڈیکل کرانے کا حکم نہیں دیا جا سکتا۔

اس کے علاوہ عدالت نے دعا زہرا کے والد اور کزن کے خلاف استغاثہ بھی عدم پیروی کی بنیاد پر خارج کردیا۔

دعا زہرہ نے والد اور کزن پر اغوا کی کوشش کا الزام لگایا تھا، عدالت نے کیس میں بار بار آواز دینے کے باوجود کسی کے پیش نہ ہونے پر اسے خارج کردیا۔

subscribe YT Channel install suchtv android app on google app store