لاہور کے علاقے نواں کوٹ میں ایک افسوسناک حادثہ پیش آیا، جس میں ایک موٹرسائیکل سوار نوجوان گلے پر ڈور پھنسنے کے باعث جاں بحق ہو گیا۔ پولیس کے مطابق 21 سالہ نوجوان نعمان کی گردن ڈور پھنسنے سے شدید زخمی ہو گئی۔
نعمان کو فوری طور پر اسپتال منتقل کیا گیا، لیکن وہ زخموں کی تاب نہ لاتے ہوئے دم توڑ گیا۔
واضح رہےکہ پنجاب میں پتنگ اڑانے پر مکمل پابندی ہے اور خلاف ورزی پر سخت سزاؤں کا اعلان بھی کیا گیا تھا۔
